Isroil Bosh vaziri Binyamin Netanyaxu prezident Isak Gertsogga kechirim so‘rab rasmiy so‘rov yubordi, deb xabar qildi yakshanba kuni prezident idorasi.
Netanyaxu alohida videomurojaatida uning ishi mamlakatni ikkiga bo‘lib yuborganini va afv etish milliy birlikni tiklashga yordam berishini aytdi. Shuningdek, u haftada uch marta sudga kelish talabi uni boshqaruvdan chalg‘itayotganini aytdi.
Noyabr oyi boshida AQSh prezidenti Donald Trump Gertsogga maktub yollab, Netanyaxuni “to‘liq afv etish”ga chaqirdi. Trump Netanyaxu “kuchli dushmanlar qarshisida Isroilni jasorat bilan himoya qilgani” va uni mamlakatni boshqarishdan chalg‘itish asossiz ekanligini yozgan.
Isroilda prezident birinchi navbatda ramziy funktsiyalarni bajaradi, biroq konstitutsiyaviy qonunlardan biri unga “jinoyatchilarni afv etish va jazoni yengillatirish yoki almashtirish” vakolatini beradi.
Isroil Oliy sudi, shuningdek, o‘tmishda, agar jamoat manfaatlari yoki "favqulodda shaxsiy holatlar" talab qilsa, prezident sudlanmagan shaxslarni afv etish vakolatidan ham foydalanishi mumkinligi haqida qaror chiqargan.
"Prezident devoni bu jiddiy oqibatlarga olib keladigan favqulodda so‘rov ekanligini tan oladi. Prezident barcha tegishli xulosalarni olgandan so‘ng, bu so‘rovni mas’uliyat va samimiylik bilan ko‘rib chiqadi", dedi Gertsogning idorasi, Prezident qancha vaqt ichida qaror qabul qilishi haqida aniqlik kiritmasdan.
Prezident ma’muriyati so‘rovning to‘liq matnini e’lon qildi, unda bosh vazir imzolagan xat va uning advokatining 111 sahifali hujjati bor.
Netanyaxu Isroil tarixida sudga tortilgan yagona amaldagi bosh vazirdir. U uchta alohida holatda firibgarlik, ishonchni suiiste’mol qilish va poraxo‘rlikda ayblanib, u boy siyosiy ittifoqchilar bilan xayr-ehson qilganlikda ayblanmoqda.
