AQSh prezidenti Donald Trump tomonidan davlat boshqaruvini soddalashtirish va xarajatlarni qisqartirish maqsadida tashkil etilgan DOGE departamenti rasman bekor qilindi. Bu haqda Zamon.uz ma'lum qildi.
OPM rahbari Skott Kuperning ta'kidlashicha, departament endi “markazlashgan tuzilma sifatida mavjud emas” va uning ko‘p vazifalari Xodimlar boshqarmasiga o‘tkazilgan.
DOGE tarkibida ishlagan bir qator mutaxassislar hozir Jo Gebbiya rahbarligidagi Milliy dizayn studiyasida faoliyat yuritib, hukumat saytlarini rivojlantirish ustida ishlamoqda.
Loyiha avval milliardlab mablag‘larni tejashni va’da qilgan bo‘lsa-da, mustaqil ekspertlar bu raqamlarni tasdiqlash imkoni bo‘lmaganini aytgan.
Trump va uning hamkori sifatida ko‘rinish bergan Ilon Mask ham tashabbusni faol targ‘ib qilgan edi. Maskning bir konferensiyada byurokratiyani “kesish” ramzi sifatida zanjirsimon arra ko‘tarib chiqishi e‘tiborli holat sifatida tilga olingan.
DOGE yopilganiga qaramay, tuzilmada ishlagan xodimlarning ko‘pchiligi boshqa federal idoralarga o‘tgan. Respublikachi partiya rahbarligidagi ayrim shtatlarda esa DOGEga o‘xshash lokal modellar hali ham yo‘lga qo‘yilayotgani qayd etilgan.
