Oq uydagi shohona ziyofat Sauudiya Arabistoni valiahdi Muhammad bin Salmonning AQShga safari doirasida o‘tkazildi. Tadbirda Trump va uning rafiqasi Melaniya, AQSh davlat kotibi Marko Rubio, moliya vaziri Skott Bessant hamda mudofaa vaziri Pit Hegset ishtirok etdi.
Faxriy mehmonlar orasida "Al-Nasr" forvardi Kristianu Ronaldu, FIFA prezidenti Janni Infantino, Amazon asoschisi Jeff Bezos va tadbirkor Ilon Mask ham bo‘ldi.
Ziyofat davomida Trump o‘g‘li Barronning Ronalduga katta muxlis ekani, uni futbolchi bilan tanishtirish "o‘g‘lining otasiga nisbatan hurmatini oshirishi mumkinligini" kulimsirab aytdi.
Ronaldu esa avvalroq Pirs Morganga bergan intervyusida "Trumpdan mashhurroqman", deya hazil qilgan edi.
