Virginia universiteti olimlari 17 yillik tadqiqot orqali o‘smirlik davridagi tajovuzkor xulq-atvor va qattiq munosabatlar keyinchalik biologik qarishni tezlashtirishi mumkinligini aniqlandi. Tadqiqot natijalari "Journal of Health Psychology" jurnalida chop etildi.
Psixologlar 1998 yildan boshlab 123 nafar o‘smirning do‘stlari va ota-onalari bilan munosabatlarini kuzatib borgan, shu bilan birga xolesterin, qon bosimi, glyukoza, yallig‘lanish ko‘rsatkichlari kabi biomarkerlarni ham o‘rgangan. Mutaxassislarga ko‘ra, ushbu ko‘rsatkichlar inson sog‘lig‘i va umr davomiyligini bashorat qilishda muhim ahamiyatga ega.
Ma’lum bo‘lishicha, 13 yoshida do‘stlariga nisbatan agressiv yoki dushmanona munosabatda bo‘lgan, shuningdek, otasi bilan nizoli munosabatga ega bo‘lgan o‘smirlar 30 yoshga kelganda biologik qarishning tezlashgan belgilariga duch kelgan. Olimlar ayniqsa otalar bilan o‘smirlik oxiridagi ziddiyatlar va 20 yoshlar atrofidagi do‘stlarga bo‘lgan agressiya eng kuchli ta’sir ko‘rsatganini ta’kidlaydi.
Tadqiqotda bu ta’sir ham erkaklarda, ham ayollarda bir xil darajada kuzatilgani qayd etilgan. Mutaxassislar fikricha, insonning bolalik va o‘smirlikdagi munosabatlar fe’l-atvori yurak-qon tomir kasalliklari xavfidan tashqari organizmdagi umumiy eskirish jarayonini ham oldindan ko‘rsatib beradi.
