Manas tumanida kutilmagan voqea yuz berdi — 19 yoshli qiz o‘pishish paytida 26 yoshli yigitning tilini tishlab, uzib yubordi.
"Kaktus.media"ning xabar berishicha, 8 noyabr kuni sodir bo‘lgan hodisadan so‘ng yigit ogir ahvolda shifoxonaga yotqizilgan.
Jalolobod viloyati klinik shifoxonasi direktori Qumar Botokarayevning so‘zlariga ko‘ra, bemorning til uchi va pastki labining bir qismi jarohatlangan.
"Bemor operatsiya qilindi, til tiklash mumkin. Bunday holatni o‘pishish vaqtida uchratish — mening amaliyotimda birinchi marta", — degan shifokor.
Politsiya ma’lumotiga ko‘ra, hodisa to‘y marasimidan so‘ng sodir bo‘lgan, yoshlar spirtli ichimlik iste’mol qilgan. Qiz — 2006 yilda, yigit esa 1999 yilda tug‘ilgan.
Hodisa bo‘yicha jinoyat ishi ochilgan, sud-tibbiy ekspertiza tayinlangan. Tergov ishlari davom etmoqda.
