Joriy yilning 7 noyabr kuni soat taxminan 17:20 larda Qashqadaryo viloyati G‘uzor tumani hududidan o‘tuvchi M-39 “Toshkent–Termiz” avtomobil yo‘lining 1257-chaqirig‘ida Nexia-2 va Cobalt ishtirokida yo‘l-transport hodisasi sodir bo‘ldi.
Avtohalokat oqibatida bir nafar yo‘lovchi og‘ir tan jarohatlari olib, voqea joyida halok bo‘lgan. Yana ikki nafar fuqaro tan jarohati bilan tuman tibbiyot bo‘limiga murojaat qilgan.
Hozirda holat yuzasidan G‘uzor tumani IIB tergov bo‘limi tomonidan Jinoyat kodeksining 266-moddasi bo‘yicha jinoyat ishi qo‘zg‘atilib, tergov harakatlari olib borilmoqda.
