Bugun, 4 noyabr kuni mamlakating ayrim viloyatlarida shamol kuchayib, chang-to‘zonlar kuzatilishi mumkin. Bu haqda "O‘zgidromet" xabar berdi.
Ma'lum qilinishicha, Samarqand, Jizzax, Sirdaryo, Surxondaryo, Andijon, Namangan va Farg‘ona viloyatlari, shuningdek, tog‘li hududlarda shamol tezligi 13–18 m/s gacha yetishi kutilmogda. Ayrim joylarda kuchli chang-to‘zonlar bo‘lishi mumkin.
"O‘zgidromet" aholiga ehtiyot choralarini ko‘rishni, ochiq havoda uzoq qolmamaslikni va tashqariga chiqqanda niqob taqishni tavsiya qilgan.
