Poytaxt metropoliteni 1 noyabrdan barcha yer usti metro bekatlari faoliyati tiklanishini ma'lum qildi.
"Toshkent metropoliteni" DUK 1 noyabr kuni ertalabdan yer usti halqa metro liniyasi to'liq ishga tushirilganini ma'lum qildi. Yo'nalishda 7 daqiqalik interval bilan 12 ta poezd qatnaydi.
Avvalroq yer usti halqa metro liniyasini ishga tushirish 18 oktyabrga rejalashtirilgan, biroq qo'shimcha texnik sinovlar tufayli kechiktirilgandi.
Eslatib o'tamiz, joriy yilning 8 iyunidan so'nggi ikki "Turon" bekati oralig'ida profilaktika ishlari olib borilgani sababli poezdlari harakati to'xtatilgan edi.
Keyinroq poytaxt metropoliteni matbuot xizmati 28 iyundan "Texnopark" va "Qipchoq" bekatlari oralig'idagi yer usti halqa yo'li uchastkasida navbatdagi bosqich ishlari olib borilayotganini ma'lum qildi.
Joriy yil 2 avgustdan boshlab "Texnopark - Yangiobod" uchastkasidagi yana oltita stansiya yopildi. Bekatlar yopilishi vaqtida bepul yo'lovchi avtobuslari yo'lga qo'yildi.
