Yevropa Ittifoqi Rossiyaga qarshi 19-sanksiyalar paketini maʼqulladi. Unga koʻra, 2027 yildan boshlab Rossiyadan suyultirilgan tabiiy gaz importi taqiqlanadi. Shuningdek, rossiyalik diplomatlarning YI hududidagi erkin harakatlanishiga cheklovlar joriy qilindi.
Paketda Ukraynadan noqonuniy olib ketilgan bolalar uchun javobgar shaxslar, “soya floti” deb ataluvchi 118 ta kema, ayrim Rossiya banklari hamda sanksiyalarni aylanib oʻtishda yordam bergan uchinchi mamlakat kompaniyalari ham qora roʻyxatga kiritilgan.
Diplomatlarning aytishicha, 2025 yil oxirigacha Rossiyaga qarshi 20-sanksiyalar paketi yuzasidan muzokaralar boshlanishi kutilmoqda.
