AQShda hukumatning vaqtincha faoliatsizligi — "shatdaun" tufayli iqtisodiyot kuniga 15 milliard dollar zarar koʻrishi mumkin. Bu haqda Moliya vaziri Skott Bessent 15 oktyabr kuni CNBC forumida maʼlum qildi.
Uning soʻzlariga koʻra, "shatdaun" ikki haftaga choʻzilsa, iqtisodiy yoʻqotishlar yanada ortishi ehtimoldan xoli emas. Senat hukumatni 21 noyabrgacha moliyalashtirish toʻgʻrisidagi qonunni qabul qilolmaganligi vaziyatni yanada murakkablashtirdi.
1 oktyabrdan boshlangan "shatdaun" natijasida aviareyslar kechikmoqda va yirik aeroportlar faoliyati izdan chiqmoqda. Nyuark, Chikago OʻXara, Dallas kabi aeroportlar eng koʻp zarar koʻrganlar qatorida.
