Joriy yilning 8 oyi davomida skuterlar ishtirokidagi YTHlarda 50 dan ziyod odam halok bo‘lgan.
Bildirilishicha, ushbu davr mobaynida skuter va moped singari transport vositalari ishtirokida 300 dan ortiq yo‘l-transport hodisasi sodir etilib, 53 nafar fuqaro vafot etgan, 259 tasi tan jarohati olgan.
2025 yilning 1 oktabrgacha moped va skuter haydovchilari haydovchilik guvohnomasiga ega bo‘lishi, ushbu transport vositalari esa davlat ro‘yxatidan o‘tgan bo‘lishi lozim.
Bunda dvigatelining ish hajmi 25 sm³ va undan ortiq, lekin 50 sm³ dan oshmaydigan, shuningdek, elektr dvigatelining quvvati 0,25 kilovatt va undan ortiq, biroq 4 kilovattdan oshmaydigan, konstruktiv tezligi soatiga 25 kilometr va undan ortiq, lekin 50 kilometrdan oshmaydigan transport vositalari, ya’ni moped va skuterlar uchun alohida davlat raqami belgilari olinishi hamda davlat ro‘yxatidan o‘tkazilishi kerak.
Avvalroq Xalq demokratik partiyasi ushbu qarorga qarshi chiqqandi. Ta’kidlanishicha, hozirda 130 ming nafarga yaqin yoshlar velosiped, moped va skuterlar orqali kuryerlik xizmati bilan shug‘ullanmoqda. Ularning asosiy daromadi shu soha orqali shakllanadi.
