O‘zbekistonda qishloq xo‘jaligi sohasida islohotlar davom etmoqda. Paxta va g‘alla maydonlari qisqartirilib, oziq-ovqat ekinlariga yo‘naltirilmoqda.
Shu bilan birga, hozirgacha mahsulot sotishda 12 foizlik QQS amal qilib kelayotgandi. Yangi tartibga ko‘ra, 2026 yil 1 yanvardan boshlab fermer va dehqonlar paxta hamda g‘alladan tashqari barcha mahsulotni sotishda QQS to‘lamaydi.
Mahsulot yetishtirish jarayonida urug‘, o‘g‘it, yoqilg‘i, transport va elektr xarajatlari uchun hisobga olingan QQSni qaytarib olish huquqi esa saqlab qolinadi.
Rasmiy ma’lumotlarga ko‘ra, bu o‘zgarish natijasida: fermer va dehqonlar qo‘lida yiliga qariyb 300 mlrd so‘m qoladi; qo‘shimcha ravishda 400 mlrd so‘m soliqni qaytarib olish imkoniyati yaratiladi; yashirin iqtisodiyot qisqarib, sanoatlashgan plantatsiyalar soni ortadi.
