Dubayda narkotik xarid qilgan afrikalik erkak 10 yilga qamaldi. Bu haqda Gulf News xabar berdi.
Bildirilishicha, afrikalik fuqaro nomaʼlum dilerdan turli xil giyohvand moddalarni raqamli valyutada xarid qilgan. Uni Dubay politsiyasi Al-Xavaneej hududida taxminan 80 gramm marixuana va boshqa taqiqlangan moddalar bilan qoʻlga olgan.
Huquq-tartibot idoralari dastlab dekabr oyida erkak giyohvand moddalarni saqlayotgani va isteʼmol qilayotgani haqida ishonchli maʼlumot olgan. Prokurorlardan order olingach, politsiya kuzatuv guruhi uning iziga tushib, hibsga olgan. Xodimlar uni qoʻlga olayotgan paytda erkak giyohvand modda taʼsirida boʻlgani, biroq spirtli ichimlik hidi sezilmaganligi haqida guvohlik bergan.
Dubay sudi unga 100 ming dirham jarima ham belgilagan va jazo muddati tugagach, mamlakatan deportatsiya qilinishi kutilmogda.
Tintuv vaqtida gumonlanuvchi yonidan bir nechta paketga joylangan giyohvand moddalarga oʻxshash moddalar topilib, laboratoriyaga yuborilgan. Tekshiruvlar natijasida ularning 80 grammga yaqin marixuana ekani aniqlangan. Erkakning peshob namunasida ham marixuananing faol moddasi — THC (tetragidrokannabinol) mavjudligi tasdiqlangan.
