Xorazm viloyati, Urganch shahrida mudhish hodisa yuz berdi: ikki nafar voyaga yetmagan qiz 7-qavatdan o‘zini tashlab, halok bo‘ldi. Bu haqda Bosh prokuratura ma’lum qildi.
Voqea 7 iyul kuni soat 08:15 larda “Nurli hayot” ko‘chasidagi 20-uyda sodir bo‘lgan. Ma’lumotlarga ko‘ra, 2009 yilda tug‘ilgan D.S. hamda 2010 yilda tug‘ilgan S.B. ismli qizlar yetti qavatli uyning tom qismidan pastga sakragan. Afsuski, ular voqea joyida vafot etgan.
Hozirda ushbu holat yuzasidan Urganch shahar prokuraturasi tomonidan tergovga qadar tekshiruv harakatlari olib borilmoqda. Qizlarning bu ishga qo‘l urishiga nima sabab bo‘lgani hozircha noma’lum.
