Ijtimoiy tarmoqlarda Andijon viloyatining Asaka tumani hokimi Nasibullo Mo‘minovning hamda Buxoro viloyati hokimi Botir Zaripovning fuqarolarni haqorat qilib, ular bilan janjallashgani yozib olingan ovozli xabar hamda video tasvir tarqaldi.
Asaka tumani hokimi Nasibullo Mo‘minovning ovozi yozib olingan xabarda u fuqaroga meni kimligimni bilmaysanmi? ko‘rsatib qo‘yaman senga, degan gaplari tarmoqlarda keng muhokama qilinmoqda.
Holatni eshitgan, bilgan fuqarolar bunga yomon fikr bildirib, qachon? hokimlar qilgan ishi uchun xalqdan uzr so‘raydi? deb iddaolar qilmoqda.
Shuningdek, tarmoqlarda Buxoro viloyati hokimi Botir Zaripovning chiqishlari ham keng muhokamalarga sabab bo‘lmoqda.
Bog‘cha hududiga kirganlarning hammasining huquqiy hujjatlarini ko‘tarasan. Yo‘g‘ini hech kimni eshitmasdan buzasan. Mo‘min. Sud-pud demasdan bo‘zib tashlaysan. Bugunning o‘zida buzib tashlaysan. Narsasi, ichidagi odami bilan ko‘mib tashlaysan. Bo‘ldi endi, sud-pud deb, hammasini erkalatganimiz. Orqadan eshik ochganning hujjatini ko‘rasan, – deydi hokim Botir Zaripov.
Ammo mazkur holatlar yuzasidan hanuzgacha Asaka tumani hokimligidan ham Buxoro viloyati hokimligidan ham sado chiqmadi. Ijtimoiy tarmoq faollari esa “so‘kong‘ich” hokimlarning xalqdan uzr so‘rashi kerakligi yozmoqda.
