2025 yil 12 may kuni Hindiston va Pokistonning harbiy operatsiyalar bo‘yicha rahbarlari telefon orqali muloqot o‘tkazdi. Bu suhbat ikki yadroviy davlat o‘rtasidagi keskin to‘qnashuvlardan so‘ng ilk bor amalga oshirildi.
Muloqot 10 may kuni AQSH vositachiligida erishilgan o‘t ochishni to‘xtatish kelishuvidan so‘ng bo‘lib o‘tdi. Bu kelishuvgacha to‘rt kun davom etgan to‘qnashuvlar chog‘ida dronlar va boshqa qurollar qo‘llanilib, o‘nlab kishi qurbon bo‘ldi. Hindiston Kashmirdagi terrorchilik hujumi uchun Pokistonni ayblagan, Pokiston esa bu ayblovlarni rad etgan.
Muloqot chog‘ida harbiy rahbarlar o‘t ochishni to‘xtatish kelishuviga rioya qilish va keskinlikni pasaytirish masalalarini muhokama qildi. Bu muloqot ikki davlat o‘rtasidagi munosabatlarni barqarorlashtirishga qaratilgan muhim qadam sifatida baholanmoqda.
Harbiy rahbarlar o‘rtasidagi bunday muloqotlar ikki davlat o‘rtasidagi ishonchni mustahkamlash va kelgusidagi mojarolarning oldini olishda muhim ahamiyatga egaligi aytilmoqda.
Abdulloh Sayyid
