Bundesliganing 32-turida “Bavariya” “RB Leyptsig” bilan durang o‘ynadi. Shunga qaramay, ularning asosiy raqibi — Leverkuzenning “Bayer” klubi ham ochko yo‘qotdi. Bu esa “Bavariya”ga chempionlikni muddatidan oldin qo‘lga kiritish imkonini berdi.
Endi turnir yakuniga ikki tur qolgan bo‘lsa-da, “Bavariya” raqiblar uchun yetib bo‘lmas peshqadamga aylandi — ular ikkinchi o‘rindagi jamoadan 8 ochkoga oldinda.
Qayd etish joiz, o‘tgan mavsumda Germaniya chempioni aynan “Bayer” bo‘lgan edi. Ular “Bavariya”ning 11 yil ketma-ket davom etgan chempionlik seriyasiga barham bergandi. Bu yil esa “Bavariya” chempionlikni qaytarib oldi.
