O`zbekiston Qirg`iziston hududiga Bishkek issiqlik elektr stansiyasidagi avariyadan so`ng insonparvarlik yordami ko`rinishida 1 mingga yaqin ballon tabiiy gaz etkazib berdi.
Bu haqda Qirg`iziston hukumati huzuridagi respublika shtabi ma`lum qildi.
“3 fevral kuni O`zbekistondan Jalolobod shahriga to`qqizta yuk tashuvchi avtomashinada 1000 dona gaz ballonlari keltirildi”, — deyiladi xabarda.
Shtabning bildirishicha, gaz ballonlari yaqin orada Jaloloboddan Bishkekka jo`natiladi. Turkmaniston prezidenti ham avvalroq qo`shni respublikaga suyultirilgan gaz ko`rinishida gumanitar yordam ko`rsatish niyatida ekanini ma`lum qilgan edi.
Eslatib o`tamiz, 2 fevralga o`tar kechasi Bishkekdagi issiqlik elektr stansiyasida avariya yuz berib, besh kishi jabrlangan edi.
