Joriy yilda "Xiva-Beyneu” magistral gaz quvurining 307-kilometrida gaz o`lchov stansiyasi quriladi
Bu haqda AOKAda o`tkazilgan brifingda "O`ztransgaz" aksiyadorlik jamiyatining axborot xizmati rahbari Shahnoza Ravshanova ma`lum qildi:
O`tgan olti oy davomida “O`ztransgaz” AJ tasarrufidagi magistral gaz quvurlarining 98 %, shuningdek 413 ta gaz taqsimlash stansiyasi, 23 ta kompressor stansiyalari Milliy geoaxborot tizimiga kiritildi.
O`tgan davr mobaynida “Buxoro-Ural”, “Gazli-Nukus”, “Muborak-Kogon”, "Muborak-Zirabuloq" hamda yana qator magistral gaz quvurlarida aniqlangan nuqsonli qismlar almashtirildi. Ayni yo`nalishdagi ishlar rejaga asosan davom etadi.
