Ijtimoiy tarmoqlarda Andijonda milliy gvardiya mashinasi YTHga uchragani aks etgan video tarqaldi.
Holat yuzasidan Andijon viloyati YHXB matbuot xizmati ma`lumot berdi.
Ma`lum qilinishicha, Kecha, 3 iyul kuni soat 13:30larda, Andijon shaxar “Gumbaz” MFY, Boburshox ko`chasida, haydovchi (Milliy gvardiya Andijon viloyati bo`yicha boshqarmasi xodimi, kichik serjant) 1992 yilda tug`ilgan R.I. o`zining boshqaruvidagi "Patriot" rusumli avtomashinasini boshqarib ketayotgan vaqtida, o`zi bilan bir yo`nalishda orqadan harakatlanib kelayotgan, 1999 yilda tug`ilgan B.M. o`zining “Lasetti” rusumli transport vositasini boshqarish davomida oraliq masofani saqlay olmasdan “Patriot” avtomashinasi bilan to`qnashib, yo`l-transport hodisasi sodir etgan.
Natijada har ikkala avtomashinalar tehnik shikastlangan, tan jarohati olganlar yo`q.
Mazkur holat yuzasidan Andijon shahar IIOFMB YHXB ma`sul xodimlari tomonidan surishtiruv ishlari olib borilmoqda.
