“Yoshlar turizmi haftaligi” o`tkazilishi munosabati bilan "Uzbekistan Airways" joriy yilning 23-31 mart kunlari mahalliy yo`nalishlardagi aviaqatnovlarga chegirma e`lon qildi.
Kompaniya xabariga ko`ra, O`zbekiston Respublikasi fuqarosi, ya`ni 12 yoshdan 30 yoshgacha bo`lgan maktab o`quvchilari, talabalar va yoshlar uchun ekonom klass tariflariga 21% chegirma beriladi.
Qayd etilishicha, chegirmali aviachiptalarni rasmiylashtirish uchun faqatgina "Uzbekistan Airways Sales" yoki uning agentlariga murojaat qilish kerak.
