Qirg`izistondagi harbiy qismlardan birida noma`lum modda portlab ketdi

Harbiy qismlardan birida noma`lum modda portlab ketdi va Qirg`iziston Respublikasi Milliy xavfsizlik davlat qo`mitasi Chegara xizmati xodimi yaralandi, deb xabar beradi  «Kabar» agentligi.

Qo`mita matbuot xizmati tarqatgan ma`lumotga ko`ra, 2021-sonli harbiy qism nazorat-o`tkazish punktida pechka isitish vaqtida noma`lum modda (aniqlanmoqda) portlagani ma`lum bo`lgan. 2003 yilda tug`ilgan askar portlash oqibatida oyog`idan yaralangan.

Askar zudlik bilan Razzoqov shahri gospitaliga etkazilgan. Shifokorlar bemorning ahvolini o`rtacha og`ir deb baholamoqda.

Voqea yuzasidan vakolatli organlar surishtiruv ishlarini olib bormoqda.