"Oila va xotin-qizlarni tizimli qo`llab-quvvatlashga doir ishlarni yanada jadallashtirish chora-tadbirlari to`g`risida"gi Prezident farmoniga muvofiq Adliya vazirligi va Bosh prokuraturaga uch oy muddatda aliment to`lovlarini undirish tizimi samaradorligini oshirish yuzasidan qonun loyihasini ishlab chiqish vazifasi topshirildi. Bu haqda Jurnalist uyushmasi rahbari Olimjon O`sarov xabar berdi.
Ta`kidlanishicha, qonun loyihasida quyidagilar nazarda tutiladi:
a) aliment bo`yicha qarzdorlik mavjud bo`lganda qarzdorlik to`liq bartaraf etilguniga qadar:
qarzdorning transport vositasini boshqarish huquqini vaqtincha cheklash;
qarzdorga lisenziya va ruxsat berish xususiyatiga ega bo`lgan davlat xizmatlarini vaqtincha ko`rsatmaslik;
b) aliment bo`yicha qarzdorlik mavjudligini nikoh tuzish uchun monelik qiladigan holat sifatida belgilash.
