Rossiya va Ukraina o`rtasidagi maslahatlashuvlarning navbatdagi raundi yakunlandi. Bu haqda "Interfaks" ma`lum qildi.
Qayd etilishicha, muhokama yopiq eshiklar ortida, uch soatdan ortiq vaqt davomida davom etgan. Uchrashuv davomida tomonlar bir marotaba tanaffusga chiqqan.
“Gumanitar koridorlarning logistikasini yaxshilashda ijobiy siljish bor", - deydi Ukraina prezidenti ofisi rahbari maslahatchisi Mixail Podolyak.
Uning ta`kidlashicha, intensiv maslahatlashuvlar davom etmoqda.
"O`t ochishni to`xtatish va xavfsizlik kafolatlari bilan bir qatorda tartibga solishning asosiy siyosiy bloki bo`yicha intensiv maslahatlashuvlar davom etdi", dedi Podolyak.
