Bugun , 28 fevral Toshkent vaqti bilan 17:15da Polshaning Katovise shahridan "Uzbekistan Airways " AJ maxsus samolyoti Ukrainadan evakuasiya qilingan fuqarolarimiz bilan uchib ketdi. Ular orasida ayollar, bolalar, talabalar va turli sohalar xodimlari bor.
Ayni paytda "Karchova" nazorat-o`tish punktida Ukrainaning Lvov shahridan kelgan O`zbekiston fuqarolari uchun to`planish nuqtasi tashkil etildi. Shu munosabat bilan, bugun kun davomida yurtdoshlarimizni olib ketish uchun yana bir maxsus samolyot tashkil etiladi.
