Halokat kecha, soat 18:50 larda “Qamchiq” dovonining 235-kilometrida “Vodiy-Toshkent” yo`nalishida sodir bo`lgan. Harakatlanib kelayotgan “Spark” rusumli avtomobil haydovchisi boshqaruvni yo`qotishi natijasida yo`l chetidagi handaqqa tushib ketgan.
FVV bergan ma`lumotga ko`ra, zudlik bilan aytilgan manzilga, “Qamchiq” Maxsus qidiruv, yong`in-qutqaruv boshqarmasi xodimlari etib borib, maxsus texnika va asbob-anjomlar yordamida avtomobil handaqdan chiqarib olingan.
