Avval xabar qilganimizdek, bugun, 20 yanvar kuni Markaziy banki Boshqaruvining yig`ilishi o`tkazildi. Unda asosiy stavkani yillik 14 foiz darajasida o`zgarishsiz qoldirish to`g`risida qaror qabul qilindi.
Shuningdek, matbuot anjumanida Markaziy bank raisi Mamarizo Nurmuratov O`zbekistonda muomalaga kiritilishi kutilayotgan banknota haqida ma`lumot berdi.
"Biz 2024 yilga kelib 200 ming so`mlik pulni chiqarishni rejalashtirganmiz, shu bilan birga muomaladagi naqd pulni optimallashtirishni amalga oshirmoqchimiz. Maqsadimiz naqd pulni odamlar uchun qulay to`lov vositasiga aylantirib borish", - degan Mamarizo Nurmuratov.
