Bugun O`zbekistonda ochiqlik siyosati yuritilmoqda. Barcha sohalarda shaffoflikni ta`minlash choralari ko`rilyapti. Eng asosiysi, bu jarayonda quyidan chiqayotgan taklif va tashabbuslarga keng o`rin berilib, ularni qo`llab-quvvatga alohida e`tibor qaratilayotir.
Prezidentimizning sog`liqni saqlash tizimi xodimlari bilan bo`lib o`tadigan “O`zbekiston tibbiyoti — inson qadri uchun” mavzusidagi ochiq muloqoti ham ayni shu maqsadni ko`zda tutadi.
Hozir ushbu muhim tadbir oldidan soha vakillarining tibbiyotimizdagi muammolar va ularning echimlariga doir g`oya va takliflari qabul qilinmqda. O`z navbatida, joylarda tizim rivojiga to`siq bo`layotgan og`riqli masalalarga ham echim topilyapti.
Jumladan, shu kungacha ochiq muloqotga yo`llangan jami murojaatlar soni 7686 taga etdi . Ular 1295 qisqa raqamli “Sall-markaz” hamda ijtimoiy tarmoqlarda ochilgan alohida elektron manzillar orqali qabul qilingan.
Ularning:
- 63 foizi — soha rivojiga qaratilgan takliflar,
- 27 foizi — hal etilgan murojaatlar,
- 10 foizi — ijro jarayonidagi muammoli masalalardir.
Xususan, murojaatlarning:
✅ 2739 tasi sog`liqni saqlash tizimining birlamchi bo`g`ini,
✅ 464 tasi ixtisoslashgan markazlar faoliyati,
✅ 234 tasi tez tibbiy yordam xizmati,
✅ 145 tasi sanitariya-epidemiologiya xizmati,
✅ 141 tasi oliy tibbiy ta`limga daxldor masalalardir.
Hududlar kesimida:
- Toshkent shahridan — 1037 ta,
- Namangan viloyatidan — 775 ta,
- Samarqand viloyatidan — 498 ta, ya`ni eng ko`p murojaat yo`llangan.
