"O`zgidromet" 23 noyabrga ob-havo bashoratini berdi.
Unga ko`ra, bugun kunduz kuni O`zbekistonda havo biroz bulutli bo`ladi, ba`zi joylarda o`zgarib turadi, yog`ingarchilik kutilmaydi, faqat Buxoro, Navoiy, Qashqadaryo, Surxandaryo viloyatlarida ba`zi joylarda yomg`ir yog`adi. Shamol 7-12 m/s tezlikda esadi. Havo harorati 13-18° iliq bo`ladi.
Poytaxtda havo biroz bulutli bo`ladi, vaqti-vaqti bilan o`zgarib turadi, yog`ingarchilik kutilmaydi. Shamol 3-8 m/s tezlikda esadi. Havo harorati 16-18° iliq bo`ladi.
Tog`li hududlarda ba`zi joylarda yog`ingarchilik, tuman tushishi mumkin. Havo 7-12° iliqgacha isiydi.
