"Xalqchil yondashuv" rukunining bu galgi qahramoni Milliy gvardiya xodimi Zuhra Xo`jaqulova boshidan kechirgan kunlar haqida hikoya qildi.
«Meni buvim katta qilganlar. 13 yoshimda vafot etdilar. Shunda rosa qo`rqdim, «Endi kelajagim nima bo`ladi?» degan xavotir uyg`ondi.
Keyin maxsus shaharchaga keldim. Tarbiyachim menga ona mehrini berdi, ovutdi, erkaladi, dalda bo`ldi. Tarbiyachimni o`zimning «onam» deb ayta olaman.
Shaharchada turli to`garaklar bo`lib, men sportning armrestling turi bilan shug`ullana boshladim. Yutuqlarim: 15 karra O`zbekiston, 6 karra Osiyo, 3 karra jahon chempioniman».
