Миллий матбуот марказида Ўзбекистон Касаба уюшмалари федерацияси томонидан “Кексаларни эъзозлаш йили” Давлат дастури ижроси доирасида амалга оширилган ишларга бағишланган матбуот анжумани бўлиб ўтди.
Тадбирда эҳтиёжманд ва ёлғиз кексаларга озиқ-овқат маҳсулотлари, дори-дармонлар ажратиш, уй-жойларини таъмирлаш, коммунал тўловларига кўмаклашиш мақсадида 7,7 миллиард сўмга яқин моддий ёрдам кўрсатилгани таъкидланди.
Жорий йилнинг 1 декабригача Касаба уюшмалари федерацияси ҳамда вазирлик ва идораларга қарашли 36 санаторий-соғломлаштириш масканида қарийб 11,5 минг отахон ва онахон соғломлаштирилди.
Давлат дастури ижроси учун Ўзбекистон Касаба уюшмалари федерацияси кенгаши томонидан 73 миллиард сўм маблағ йўналтирилди.
