1988 йилдан бошлаб Бирлашган миллатлар ташкилоти ва Бутунжаҳон соғликни сақлаш ташкилоти ташаббуси билан ҳар йили 1 декабрь ОИТС(Орттирилган иммунитет синдроми танқислиги)га қарши кураш куни сифатида нишонланади.
Орттирилган иммунитет вируси- инсон иммун тизимига путур етказиб, турли юқумли касалликлар ва вирусларга қарши курашувчи Т ва CD4 тўқималарини парчалайди. Вирус иммун тўқималарининг асосий қисмини парчалагандан сўнг инсон ОИТСга чалиниши эҳтимоли ошади. ОИТС-орттирилган иммунитет вирусининг энг сўнгги босқичи ҳисобланади. Мана шу босқичдан сўнг организм хавфли вирус билан курашиш имкониятини йўқотади.
“РИА Новости”нинг маълумотларига кўра, ҳозирги кунда дунё бўйича 36,9 миллион киши ОИТСга чалинган. Ҳар куни 6300 га яқин киши орттирилган иммунитет вирусини юқтиради. ОИТСни бутунлай даволаб бўлмаса-да, унинг ривожланиш жараёнини секинлаштирувчи даво усуллари мавжуд. Статистик маълумотларга кўра, ОИТС дунё бўйича ҳаёт даражаси паст бўлган мамлакатларда кенг тарқалган. Ўтган йиллар давомида мана шундай мамлакатларда яшайдиган болаларнинг 35 фоизи ОИТСга чалинган оналардан дунёга келган.
ОИТСга қарши курашнинг халқаро рамзи ўзгача услубда букланган қизил тасма ҳисобланади. Уни 2002 йилда 48 ёшида ОИТСдан вафот этган рассом Франк Мур 1991 йилда яратган.
