Халқаро теннис федерацияси (ITF) томонидан Исроил ва Туркияда ташкил этилган хотин-қизлар ўртасидаги мусобақаларда ҳамюртларимиз муваффақиятли иштирок этмоқда, деб хабар беради ЎзА
Исроилда ўтаётган мусобақанинг яккалик баҳсларида Влада Екшибарова дастлаб украиналик Вероника Стотикани 6:2, 6:7, 6:1, иккинчи даврада молдовалик Юлия Хелбетни 6:4, 6:1 ҳисобида мағлубиятга учратиб, чорак финалга йўл олди.
Финал йўлланмаси учун ўтадиган учрашувда В.Екшибарова ҳамда О.Дорошина исроиллик Алона Пушкаревская ва россиялик Дарья Лодиковага қарши кортга чиқади.
Туркиянинг Анталия шаҳрида давом этаётган халқаро турнирда ўзбекистонлик Арина Фольц биринчи даврада италиялик Жулия Кресченцини 6:1, 6:2 ҳисобида енгди. У иккинчи даврада болгариялик Дия Евтимова билан баҳслашади.
