Ўзбекистонлик теннисчи Фаррух Дўстов бугун 25 ноябрь куни Бразилиянинг Сан-Паулу шаҳрида бошланадиган “Челленжер” турнирининг сўнгги тур ўйинларида иштирок этади. Бу ҳақда “12news.uz” хабар бермоқда.

Дўстов А гуруҳида италиялик Паоло Лоренци, испаниялик Даниэль Муньос Де Ла Нава ва Иниго Сервантес-Вегунга қарши кортга тушади.

В гуруҳида эса бразилиялик Гильерме Клезар, аргентиналик Гвидо Пелья, италиялик Марко Чеккинато ва молдавиялик Раду Алботлар  куч синашади.   

Ярим финалга йўлланма олиш учун Фаррух ўз гуруҳидаги биринчи  ёки иккинчи ўринни эгаллаши керак.