Душанба куни Жаҳон Соғлиқни Сақлаш Ташкилотининг тиббий экспертларидан иборат гуруҳи коронавирус тарқалишини текшириш учун Хитойга етиб келишди, деди ташкилот раҳбари Тедрос Адҳаном Гебрейсес. Бу ҳақда таржимон.уз хабар бермоқда.
Тедрос январь ойи оҳирида Пекинда Хитой Халқ Респубилкаси раиси Си Цзин Пин ва хитойлик вазирлар билан коронавирусни ЖССТ экспертлари текширишлари учун музокаралар олиб борган.
Унинг айтишича, Хитой ҳукумати экспертлар гуруҳига руҳсат бериши учун икки ҳафта вақт керак бўлади.
Ҳозиргача Хитойда 40,235 нафар одамда коронавирус борлиги тасдиқланган ва 909 киши бу касалликдан вафот этган.
Шунингдек, Хитойдан ташқари яна 24 мамлакатда 319 киши вирусни юқтириб олди ва бир киши эпидемия қурбони бўлган.
«Сўнгги кунларда Хитойга бормаган одамларда ҳам касаллик аниқланди, масалан, кеча Францияда ва бугун Буюк Британияда вирус қайд этилган ҳолатларга гувоҳ бўлдик. Ушбу кам сонли ҳолатларнинг аниқланиши кўп сонли одамлар касалланиши мумкинлигига огоҳлантиришдир. Аммо,ҳозирги вазифамиз уни кенг миқёсда тарқалишини олдини олишдан иборат” дейди Тедрос Адҳаном Гебрейсес.
Тедрос дунёдаги мамлакатларни вирус бўйича ёрдам беришга чақирар экан, уни глобал муаммо эканини алоҳида таъкидлади.
«Бу, бутун дунё учун огоҳлантирувчи қўнғроқдир. Бу эпидемия бизнинг умумий душманимиздир. Биз коронавирусга якдиллик билан қаршилик қилсаккина уни енгишимиз мумкин.”
