Гонконг фан ва техника университети тадқиқотчилари коронавирусни қисқа вақт ичида аниқловчи қурилма ихтиро қилди. Бу ҳақда rbs.ru ахборотига таяниб Аниқ.уз маълум қилди.
«Микросуюқ чипларнинг янги технологияси туфайли қурилма коронавирусни 40 дақиқада аниқлай олади», — дейилади хабарда.
Таққослаш учун, ҳозирда коронавирусни аниқлаш учун ишлатилаётган технология бу жараён учун 1,5 соатдан 3 соатгача вақт сарфлайди.
Янги ускунанинг ишлаш тартиби бурун бўшлиғидан олинган намунани текширишга қаратилган.
Ҳар бир қурилма микрофлюид портатив PCR анализатори, дастлабки қайта ишлаш блоки, биотест чипи ва коронавирус нуклеин кислоталарини аниқлаш учун янги тўпламлар билан жиҳозланган. Бунда ускуна бир вақтнинг ўзида саккизта намунани текшира олади.
