Савдо-саноат палатаси Бухоро ҳудудий бошқармаси томонидан 2019-йилнинг октябрь ойида “Бухорогазсаноатқурилиш” АЖ манфаатида Тошкент туманлараро иқтисодий судига “Ўзбекнефтгаз” АЖга нисбатан 33 млрд. сўм миқдоридаги дебиторлик қарзини ундириб бериш юзасидан даъво аризаси киритилди.
ССП томонидан киритилган даъво аризаси тўлиқ қаноатлантирилиб, “Бухорогазсаноатқурилиш” АЖнинг ҳуқуқий манфаатлари тикланишига эришилди.
“Бухорогазсаноатқурилиш” акциядорлик жамиятининг Савдо-саноат палатасига ёзган миннатдорчилик хатига кўра, мазкур дебиторлик қарзининг ундирилиши туфайли “Бухорогазсаноатқурилиш”акциядорлик жамиятининг бюджет олдидаги 13 млрд. сўмдан зиёд солиқ қарзлари, шу билан бирга ишчи ходимларнинг 3 ойлик яъни 9 млрд. сўмдан ортиқ ойлик иш ҳақлари қопланди.
“Агар сизнинг фаолиятингизда шунга ўхшаш муаммолар бўлса Савдо-саноат палатасига мурожаат этишингиз мумкин”, — дейилади ССП Ахборот-хизмати хабарида.
