Бугун Гурлан туманида Ўзбекистон Республикаси Қуролли Кучлари ташкил этилганлигининг 28 йиллиги ва 14 январь - Ватан ҳимоячилари куни муносабати билан “Ватанпарварлик — миллий юксалиш кафолати” шиори остида ҳарбий парад ўтказилди. Унда 4000 га яқин ёшлар иштирок этдилар.
Тадбирда ҳарбий техникалар, отлиқ ва пиёда аскарлар, ҳарбий оркестр жамоаси Мустақиллик кўчаси бўйлаб саф тортиб, тантанали юриш қилдилар.
Шунингдек, жанговар техникалар парадидан сўнг, ҳарбийлар ва спортчи ёшларнинг кўргазмали чиқишлари ва истеъдодли ёшлар, туман маданият бўлими ҳамда ҳарбий оркестр хонандалари томонидан ватанпарварлик руҳидаги куй-қўшиқлар томошабинлар эътиборига ҳавола этилди.
