Автошохбекатдаги жанжал натижасида фуқаро касалхонада вафот этгани ҳақида хабар берди Қува тумани ИИБ ҳузуридаги Тергов департаменти.
Келтирилишича, 2019 йил 20 декабрь куни соат 08-00ларда фуқаро У.М Қува тумани марказида жойлашган автошоҳбекатда ўзига тегишли бўлган “Дамас” русумли автомашинада Фарғона шаҳрига йўловчи олаётган вақтида таниши Ю.И навбатсиз йўловчи олаётганлигини кўриб, у билан ўзаро жанжаллашиб кетиб, жанжал вақтида уни юз-жағ қисмига қўли билан уриб юборган. Натижада фуқаро Ю.И асфальт ерга боши билан йиқилиб, тан жароҳати олиб, Қува туман Тиббиёт бирлашмасига қарашли бўлган ШТЁБ жонлантириш бўлимига ётқизилган.
Мазкур ҳолат бўйичаУ.Мга нисбатан ЖКнинг 104-моддаси 1-қисми билан жиноят иши қўзғатилган.
Олиб борилган тиббий муолажаларга қарамасдан фуқаро
Ю.И2019 йил 23 декабрь куни шифохонада вафот этган.
Жиноят иши Ўзбекистон Республикаси ЖКнинг 104-модаси 3-қисми “д” бандига қайта малакаланди.
