Чоршанба куни Бразилиянинг амалдаги президенти Жаир Болсонаро ўзида тери саратони касаллиги бўлиши мумкинлигини айтди. У тиббий кўрикдан ўтгандан сўнг шундай хулосага келган. Бу ҳақда таржимон.уз хабар бермоқда.
Президент администрацияси Болсанаро касалхонада бўлганини тасдиқлади. Аммо, уларнинг маълум қилишича, Болсонарода саратон касаллиги йўқ. «Президентнинг соғлиғи яхши, унда тери саратони белгилари йўқ. У ҳафта давомидаги белгиланган учрашувларни давом эттиради», дейилади баёнотда.
Бундан олдин ҳам Болсонарога Баҳиа штатидаги Салвадорга сафарини бекор қилиш ҳақида маслаҳат берилганди. Бунга Президентда қаттиқ чарчоқ кузатилгани сабаб бўлган.
