2019 йилнинг 2 декабрь куни ижтимоий тармоқларда Tashkent City Конгресс-маркази томи қулаши ҳақида хабар тарқатилган эди.
Ўтказилган текширув натижасида мазкур ахборот ҳақиқатга тўғри келмаслиги, том қисми бутун ҳолатда эканлиги аниқланди. Ҳозирда ёлғон хабар тарқатилишининг сабаблари ва манбаларини аниқлаш ишлари олиб борилмоқда, дея хабар беради Тошкент шаҳар ҳокимлиги матбуот хизмати.
Маълум бўлишича, Tashkent City Конгресс-маркази ҳудуд сейсмик жиҳатлари инобатга олинган ҳолда, зилзилабардошлиги 9 баллгача этиб қурилган.
Аввалроқ блогер “Tashkent City”да қуриб фойдаланишга топширилган конгресс-холл томининг бир қисми қулаб тушганлигини хабар берган эди. Унинг ёзишича, том қулаган пайтда унинг устида уста бўлган, у чаққонлик қилиб ўз ҳаётини сақлаб қолган. Лекин репитициядагилар қаттиқ қўрқиб, ваҳимага тушиб қолишган. Ордан кўп ўтмай, воқеа жойига шаҳар ҳокими етиб келган.
