Тунгги фикрлар каналида "Миллий тикланиш" демократик партиясидан номзоди қўйилаётган Одил Аҳмедовнинг акаси Ёқуб Аҳмедовнинг сайловолди плакатидаги хатолик танқид қилинди. Ҳақиқатдан ҳам плакатга бир қараган одамга, аслида ҳеч гап йўқдек... Ҳаммаси тўғри...
Аммо биргина "ў" ҳарфининг устидаги илмоқчанинг "тушиб" қолгани "қўл" сўзини "қул"га айлатирган. Бунга эътибор берган сайловчи замонавий виқор билан ҳамкорлик учун қўл чўзиб турган тадбиркор суратининг тагида ёзилган "Қулни қўлга берамиз" деган шиорини ўқигач, овоз бермаслиги тайин.
"Саааал инсоф ҳам керак-да, «Миллий тикланиш»чилар!😏 Қулни қайси кўлга бермоқчисизлар энди?!😜Ҳазил ўз йўлига, аммо бундай баннерларни чоп этишдан олдин бирон-бир саводли одамга ўқитиб олиш керак эди-да. Агар сизларнинг сафларингизда шунақаси бор бўлса, албатта...дейди блогер.
Сал аввал машҳур актёрнинг номзоди “Миллий тикланиш” партиясидан депутатликка илгари сурилгани ҳақида хабар берган эдик.
