Покистоннинг Панжоб провинциясида ҳаракатланаётган поездда юз берган ёнғинда ҳалок бўлганлар сони 62 кишини ташкил қилди.
Поезд Карачи-Равалпинди йўналишида ҳаракатланаётган бўлган. Дастлабки маълумотларга кўра, ёнғин таом тайёрлаш учун ишлатиладиган газ баллон ускунаси портлаши оқибатида юз берган. Гувоҳларнинг айтишича, аланга учта вагонни қоплаб олган.
Темирйўллари вазири Шайх Рашиднинг маълум қилишича, аксарият одамлар ёнаётган поезддан сакраши оқибатида ҳалок бўлган.
Ҳозирча ҳалок бўлганларнинг бир қисминигина шахсини аниқлашнинг имкони бўлди. Шифокорларнинг айтишича, айрим ҳалок бўлганларнинг куйиш жароҳатлари шу қадар кучлики, уларнинг шахсини аниқлаш қийин кечмоқда.
Ҳодисанинг бошқа сабаблари аниқланмоқда. Темирйўл ҳаракатини тиклаш бўйича ишлар олиб борилмоқда.
