Украина фуқароси тез тиббий ёрдам хизматига 47 минг марта қўнғироқ қилганидан кейин мажбурий даволаниш учун руҳий шифохонага юборилди. Бу ҳақда Лента.ру нашри хабар бермоқда.
Расмий Киевга бўйсунадиган Донецк вилоятидаги Краматорск шаҳрида яшовчи эркак тўрт ярим ой мобайнида тез ёрдамга 46 968 маротаба қўнғироқ қилган. У кунига юз мартадан минг мартагача 103 га қўнғироқ қилиб, у ерда ишловчи ходимларни ҳақорат қилган.
Ушбу ҳаракатлари учун унга нисбатан Украина Жиноят Кодексининг 296-моддаси биринчи банди билан “Ҳурматсизлик қилган ҳолда жамоат тартибини қўпол равишда бузиш” моддаси билан жиноят иши очилган.
Судланувчи суд-психиатрик текширувдан ўтказилганда, унинг касаллиги аниқландии. Суд мажбурий равишда касалхонага ётқизиш тўғрисида қарор қабул қилди.
