Ўзини Капитан Каримов деб атаган блогер Қашқадарё вилоятининг собиқ ҳокими Зафар Рўзиев илиқ сўзлар билан ёдга олди.
"Пахтасини, ғалласини билмадиму, лекин З.Ш.Рўзиев кўпдан кўп энг ночор, боқувчисини йўқотган оилаларга қарашиб турарди. Ўзи болаликдан отасиз катта бўлган экан. Шунинг учун қийналган оилаларнинг рўйхатини туздирган экан, ҳар бир туманда. Шахсан ўзи ўшаларнинг уйига кириб, қилган хайрия ишлари эгасини топдими йўқми текшириб ҳам турган. Вақт топганида улар билан учрашган. Лекин реклама қилмаган бу ишларни. Энди тасаввур қилинг қандай қийналган оилаларнинг улкан дуосини олган бу инсон.
З.Ш.Рўзиев борган туман одамлари билсинки, сизларга меҳр-мурувватли, савобталаб инсон ҳоким бўлди. Бу инсон ночорларнинг кўнглида City қурган инсон, ҳеч қандай фойдани кўзламай..."
Капитан Каримов собиқ ҳокимга ўз блоги орқали миннатдорчилик билдириб, ишларига омад тилади.
