Таҳририятга бола нафақаси бўйича саволлар билан кўплаб фуқаролар мурожаат қилишади. "Ҳуқуқий ахборот" канали бола нафақаси билан боғлиқ саволларга қонунчилик асосларига таяниб, қуйидагича маълумот берди:
Қуйидагилар 14 ёшгача болалари бўлган оилаларга нафақа, бола икки ёшга тўлгунга қадар бола парвариши бўйича нафақа ва кам таъминланган оилаларга моддий ёрдам олишда устунлик ҳуқуқига эга:
👉 ота-онасининг иккисини ҳам йўқотган, болалар тарбияси билан эса қариндошлар шуғулланаётган оилалар;
👉 ота-оналардан бири ёки ҳар иккиси ҳам ногирон бўлган оилалар;
👉 14 ёшгача бўлган икки ва ундан ортиқ болаларни тарбиялаётган, бошқа қариндошлардан алоҳида яшаётган бева аёллар (бева эрлар);
👉 ногирон боласи бўлган оилалар;
👉 болани тўлиқ бўлмаган оилада тарбиялаётган оналар (оталар);
👉 ота-оналардан бири ёки ҳар иккиси ишсиз бўлган ва иш изловчи сифатида бандликка кўмаклашиш марказларида ҳисобда турган оилалар;
👉 ёлғиз пенсионерлар.
