“Ўзбеккино” миллий агентлиги биносида Ўзбекистон Кино арбоблари уюшмаси бошқарувиининг йиғилиши бўлиб ўтди. Унда Aгентлик ҳузурида Жамоатчилик кенгашини тузиш масаласи кўриб чиқилди.
Учрашувда “Ўзбеккино” Миллий агентлиги бош директори Фирдавс Aбдухолиқов, Киночилар уюшмаси раиси Матёқуб Матчонов, таниқли киноижодкорлар ва режиссёрлар иштирок этди.
Янги ташкил этилаётган Жамоатчилик кенгаши шаффофлик ва ошкоралик тамойилларига асосланган ҳолда Aгентлик ва унинг муассасалари, мансабдор шахслар фаолияти устидан жамоатчилик назорати функцияларини амалга оширади.
«Жамоатчилик кенгашининг муҳим вазифаларидан бири коррупцияга қарши курашдир», - деди «Ўзбеккино» Миллий агентлиги бош директори Фирдавс Aбдухолиқов. - Кенгаш "Ўзбеккино" мансабдор шахсларининг аудит текширувларини тасдиқлаш ва ҳисоботларини эшитиш, бюджет маблағларидан мақсадли фойдаланишни назорат қилиш ва уларнинг натижалари бўйича таклифлар тайёрлаш ваколатига эга бўлади. Шу билан бирга, жамоатчилик кенгаши кузатувчи бўлиб қолмаслиги, балки агентлик бошқарув органларига Ўзбекистонда кинематографияни ривожлантириш бўйича турли таклиф ва лойиҳаларни ишлаб чиқишда ёрдам кўрсатиши муҳимдир», - дея таъкидлади агентлик раҳбари.
"Ўзбеккино" ва Кино арбоблари уюшмаси раҳбарияти томонидан мамлакат киноижодкорларининг умумий форумини ўтказишга қарор қилинди: унда жамоатчилик кенгашини тасдиқлаш ва Ўзбекистонда кинематографияни ривожлантириш дастурини муҳокама қилиш режалаштирилган.
