Хитойнинг Чаншу шаҳрида кунг-фу ва таэквондо мактаби аъзолари ўртасида катта муштлашув бўлиб ўтди, деб хабар қилди Bigmir.net нашри.
Муштлашув савдо марказида содир бўлган. Икки маҳаллий спорт мактаби аъзолари ўз мактабларининг рекламаси учун жой талашишган ва ўртада катта жанжал келиб чиққан. Улар келишувга эришиш ўрнига кунг-фу ёки таэквондо зўрлигини аниқламоқчи бўлишган кўринади.
Полиция 25 нафар муштумзўрларни қўлга олган. Аммо иккала мактаб ҳам якка курашнинг қай бири зўр эканини аниқлай олишмаган.
