НВО телекомпанияси “Тахт ўйинлари”нинг саккизинчи мавсумининг тўртинчи эпизоди бўлмиш “Жангдан сўнг”нинг тизерини эълон қилди, деб хабар берди Кinopoisk.ru нашри.
Тўртинчи эпизоднинг тахминий сюжети қуйидагича:
Винтерфелл учун кечган жанг тугади, аммо Вестерос учун уруш давом этади. Энди навбат Пўлат тахтга. Ёвуз ниятли Серсея Қироллик гаванига аллақачон жойлашиб олди. Аммо шимолдан Дейенериснинг лашкарлари аста-секин у томон олға қадам босишмоқда.
“Тахт ўйинлари” тобора ўз якунига етиб бормоқда. Бутун дунёда сериал мухлислари “Муз ва олов қўшиғи” асари асосида суратга олинган ушбу фентэзининг якуний қисмларини интиқлик билан кутишмоқда.
Сериални ҳар куни миллионлаб мухлислар Интернет тармоғи орқали томоша қилишлари таъкидланмоқда.
