Ярославскнинг “Шинник” футбол клуби ярим ҳимоячиси Валерий Цховребов матч пайтида ҳаводаги қушни уриб туширди, деб хабар қилди Iz.ru нашри.
Ҳодиса Миллий футбол лигасининг “Шинник”-“Тюмень” матчида рўй берган.
Цховребов тўпни зарб билан тепгач, тўп тўғри бориб қушга тегади. Қуш майдон четига қулайди. Аммо бироз вақтдан сўнг ўзига келиб, яна учиб кетади.
Матч эса 1:0 ҳисобида “Шинник” фойдасига ҳал бўлган. Ягона голни ҳам Цховребов киритган.
